Бишкек шаарынын окуучулары үчүн атайын автобустар каттай баштайт. Бишкек шаарынын мэри Эмилбек Абдыкадыров, бул автобустарда азырынча шаардын №29, 28, 69, 70 жана 13-мектептеринин окуучулары гана жүрө алышарын айтты. Автобустар ушул аптада каттамга чыгат. Атайын долбоорду Жол-транспорттук инфратүзүмдү өнүктүрүү департаменти менен биргеликте жеке компания ишке ашырууда. Жол кире мектеп жетекчилери, ата-энелер комитети жана окуучуларды ташый турган компания ортосунда сүйлөшүү жүргөн соң такталмакчы. Эгер долбоор ийгиликтүү ишке ашса, шаардын бардык мектептеринин окуучулары атайын автобустарда жүрүп калышат.
Please wait while flipbook is loading. For more related info, FAQs and issues please refer to DearFlip WordPress Flipbook Plugin Help documentation.