Ош шаардык ички иштер башкармалыгынын начальнигинин орун басары милициянын полковниги Акылбек Бекишев бүгүн аталган мектептин бүтүрүүчүлөрүнө аттестат тапшыруу салтанатына катышып, аталган мектептин 11-классынын бүтүрүүчүсү, республикалык тестирлөөдөӊ жогорку балл алган Кызжибек Жээнбекованы Ош шаардык ички иштер башкармалыгынын атынан куттуктады: «Ош ШИИБнын жетекчилигинин, өздүк курамынын атынан Кызжибек кызыбызды, ата-энесин жана ушундай жакшы билимге сугарган С.Киров мектебинин педагогикалык жамаатына ыраазычылык билдиремин жана куттуктаймын. Ар бир мыкты билимге ээ болгон окуучу коомубуздун эртеӊки тиреги, таянычы боло алат. Бүгүнкү Кызжибек жана анын классташтары келечекте мыкты кесипке ээ болуп, өлкөбүздүн татыктуу жарандары боло аларына ишенемин»,-деди милиция жетекчиси.
Ош шаардык ички иштер башкармалыгынын начальнигинин орун басары милициянын полковниги Акылбек Бекишев Ош ШИИБнын атынан Кызжибек Жээнбековага, ата-энесине, класс жетекчисине белектерди тапшырып, аруу каалаа-тилектерин жолдоду.
Ош шаардык ички иштер башкармалыгынын басма сөз кызматы