"Эркин-Тоо"

Ошто подполковник Азиза Исмаилова ардактуу эс алууга узатылды

2023-жылдын 23-январында Ош облустук Ички иштер башкармалыгынын өздүк курамы ички иштер органдарында 30 жылга жакын кызмат өтөгөн маалыматтык технологиялар бөлүмүнүн кызматкери милициянын подполковниги Азизакан Исмаилованы салтанаттуу түрдө ардактуу эс алууга узатышты.

Алгач, бул иш-чара Ош ОИИБде мамлекеттик тууну көтөрүү аземи менен башталды. Андан соң ички иштер органдарында үзүрлүү эмгектенген милиция кызматкерин ардактуу эс алууга узатуу менен катар жаш кызматкерлердин ант берүүсү менен уланды. Башкармалыктын 12 милиция кызматкери салтанаттуу түрдө ант беришти.

Аталган иш-чарага Ош ОИИБдин начальниги милициянын полковниги Жеңишбек Жоробеков, Ош облустук Ички иштер башкармалыгынын Ардагерлер кеңешинин тѳрагасы Курсан Камчиев жана Ош ОИИБдин өздүк курамы катышты.

Милициянын подполковниги Азизакан Исмаилова ички иштер органдарында жалпы эсеп менен 28 жыл 10 ай кызмат өтөгөн. Ош ОИИБдин начальниги Жеңишбек Жоробеков Азизакан Исмаиловага бекем ден-соолук каалап, кызматка ак ниети менен кызмат кылганына ыраазычылыгын билдирди. Ал эми, жаш кызматкерлерди Ант берүү аземи менен куттуктап, Антын бекем сактап, кызматтык милдеттерин так аткарууга, Кыргыз милициясынын беделине шек келтирбей ак кызмат кылууга чакырып кетти.

Иш-чаранын аягында жаш кызматкерлер менен ардактуу эс алууга узатылып жаткан Азизакан Исмаилова эстелик үчүн сүрөткө түшүштү.
Бул иш-чаралар Кыргыз Республикасынын Президентинин “Инсандын руханий-адеп-ахлактык өнүгүүсү жана дене-тарбиясы жөнүндө” Жарлыгынын алкагында ѳткѳрүлдү.

Ош ОИИБдин Басма сөз кызматы

Please wait while flipbook is loading. For more related info, FAQs and issues please refer to DearFlip WordPress Flipbook Plugin Help documentation.

Пример HTML-страницы
error: Content is protected !!