Армениянын премьер-министри Никол Пашинян өлкөдөгү кезексиз парламенттик шайлоого байланыштуу кызматтан кетти. Бул тууралуу ал өзүнүн «Фейсбуктагы» баракчасындагы кайрылуусунда жарыялады.
Арменияда Парламенттик шайлоо 20-июнга белгиленип, шайлоо өткүчө Пашинян Өкмөт башчысынын милдетин аткаруучу болуп иштемек.
Ал буга чейин , эгер шайлоодо анын командасын колдоого ээ болбосо, бийликтен кетерине убада берген.
2020-жылы ноябрда Пашинян Азербайжан жана Орусиянын расмий өкүлдөрү менен чогуу Тоолуу Карабактагы элдешүү келишимине кол коёру менен Арменияда нааразылык акциялары башталып, оппозициячыл партиялар Пашиняндын кызматтан кетишин талап кылып келишкен. Ушуга байланыштуу, март айында ал мөөнөтүнөн мурда парламенттик шайлоо өткөрүүгө макулдугун берген.
Пашинян кызматтан кетти
