“Маалымат тармактарында кеңири жайылып кеткен белгисиз учуучу объекттин (НЛО) видеосунун чын экендигин Пентагон расмий тастыктады”,- деп Пентагондун пресс-катчысы Сью Гоф CNN басылмасына билдирген.
CNNдин билдирүүсү боюча өткөн жумада Extraordinary Beliefs, белгисиз учуучу объекттер тартылган видеону жарыялашкан.
Кадрда үч бурчтуу жарык объектинин асманда учканы даана көрүнүп турат. Бул видеону YouTube каналына жүктөгөн документалист Джереми Корбелл, кадрдагы белгисиз объектти 2019-жылы АКШнын USS Russell экипажы тартып үлгүргөн деп айтып чыккан.
Ал эми Пентагондун пресс-катчысы Гоф, бул видеону АКШнын аба күчтөрү тарткан деп тастыктап, буга чейин сфера, сүйрүү жана металл дирижаблдын формасындагы объектилердин видеого тартылганын айтып, “бул фактылар учурда изилденип жатат”,- дейт ал.
Гофтун айтымында, операциялардын коопсуздугун камсыз кылуу максатында Пентагон бул видеолор тууралуу азыр ачык маалымат бербей тургандыгын кошумчалаган.
Буга чейин 2020-жылдын апрелинде Пентагон мындан тышкары дагы үч видео жүктөгөн.
Ал эми 2020-жылдын май айында, АКШ аба күчтөрүнүн 2013-жылдын 27-июнунан, 2019-жылдын 13-февралына чейин дагы 8 жолу белгисиз объектилер менен кездешкени тууралуу отчет берген.
Пентагон ачыкка чыккан НЛОнун видеосунун – чын экендинин тастыктады (ВИДЕО)
