Президент Садыр Жапаров 21-сентябрда Уолл-Стритте жайгашкан капиталдаштыруу боюнча АКШдагы жана дүйнөдөгү эң ири Нью-Йорк фондулук биржасына (NYSE) барды.
Нью-Йорк фондулук биржасынын вице-президенти Джон Таттл сооданы жеңилдетүү үчүн колдонулган, төрт соода залдарынан турган NYSE соода аянты жөнүндө, ошондой эле анын тарыхы, түзүмү жана ишмердүүлүгүнө кеңири токтолду.
Президент Садыр Жапаров Нью-Йорк фондулук биржасынын кеңсесинен биржанын иш процесси менен таанышып, NYSEнин ардактуу меймандар китебине жазуу калтырды.