Президент Садыр Жапаров 22-майда «Жаңы кадам» социалдык мобилизициялоо боюнча жалпы республикалык кеңешмеге катышат. Бул тууралуу Президенттин басма сөз катчысы Аскат Алагөзов билдирди.
Анын айтымында, иш-чарага «Социалдык контракт» программасынын мыкты катышуучулары, ошондой эле өз демилгеси менен өз жамааттарын өнүктүрүүгө инвестиция салган жарандар чогулат.
«Социалдык контракт» программасы муктаж үй-бүлөлөргө колдоо механизми катары президент Садыр Жапаровдун демилгеси менен ашырылууда.
Иш-чара УТРКнын, республикалык жана облустук телеканалдардын түз эфиринде, ошондой эле социалдык тармактардагы баракчаларда көрсөтүлөт.