Рыскул Боромбаев Абубакир Изибаев атындагы Кыргыз мамлекеттик циркинин директору болуп дайындалды. Бул тууралуу Маданият, маалымат, спорт жана жаштар саясаты министрлигинен билдиришти.
Жаңы дайындалган директорду эмгек жамаатка Маданият, маалымат, спорт жана жаштар саясаты министринин орун басары Чыңгыз Эсенгул уулу тааныштырды.
Министрдин орун басары эмгек жамаатка ынтымак каалап, алдыда жасала турган иштер арбын экендигин белгилеп, жаңы жетекчиге алдыдагы жоопкерчиликтүү ишине ийгиликтерди каалады.