«Ала-Арча» суу сактагычынынан изделип жаткан 51 жаштагы жарандын сөөгү табылды. Бул тууралуу ӨКМдин басма сөз кызматы тарабынан маалыма болду.
Маалыматка ылайык, 26-августта саат 12:42де «Ала-Арча» суу сактагычынан изделип жаткан 51 жаштагы У.И. аттуу жарандын жансыз денеси ӨКМдин куткаруучулары тарабынан табылды. Каза тапкан жарандын сөөгү туугандарына өткөрүлүп берилди.
Маалым болгондой, 2022-жылдын 24-август күнү 1971-жылы туулган У.И. аттуу эркек киши Ала-Арча суу сактагычына балык уулоого чыгып, дайынсыз болгондугу тууралуу маалымат 112 кызматына түшкөн.
Жерине ыкчам түрдө 24-августтан тарта ӨКМдин Аламүдүн райондук жана Бишкек шаардык Куткаруучулары тартылып, издөө иши жүргүзүлдү.