"Эркин-Тоо"

Садыр Жапаров Венгриянын премьер-министри Виктор Орбан менен жолугушту

Садыр Жапаров Будапешт шаарына болгон иш сапарынын алкагында Венгриянын премьер-министри Виктор Орбан менен жолугушту.

Жолугушуунун жүрүшүндө кыргыз-венгер стратегиялык өнөктөштүгүнүн актуалдуу маселелери, соода-экономикалык жана маданий-гуманитардык чөйрөлөрдө кызматташуу талкууланды.

Виктор Орбан кыргыз-венгер кызматташтыгын тереңдетүү тууралуу айтып, Кыргызстан менен Венгриянын борборлорунун ортосунда түз авиакаттам ачуу зарылдыгын белгиледи.

Венгриянын премьер-министри билим берүү тармагындагы кызматташууга да көңүл буруп, Венгрияда квота боюнча алдыңкы университеттерде билим алып жаткан кыргызстандык студенттерди канааттануу менен белгиледи.

Садыр Жапаров, Кыргызстан үчүн Венгрия менен соода-экономикалык жана инвестициялык кызматташууну өнүктүрүү приоритеттүү багыт болуп саналарын белгилеп, премьер-министр Виктор Орбанды Кыргызстанга мамлекеттик сапар менен келип кетүүгө чакырды.

Пример HTML-страницы
error: Content is protected !!