Сауд Аравиясынын Жогорку соту 11-апрель күнү эч ким жаңырган айды көрө албагандыктан, 12-апрелден тарта пландалган Орозону жылдырды.
«11-апрелде айдын жаңырганы көрүнбөгөн соң, бүгүн кечинде орозонун алгачкы күнүн аныктоо үчүн тиешелүү кызматтар чогулат. Сауд Аравиянын бул позициясын өздөрүнүн астрономдору жана диний аалымдары болгонуна карабай, башка араб өлкөлөрү дагы карманууда. Ушундан улам, 12-апрель күнү Египет, Ирак, Тунис, Ливан, Кувейт, Йемен, Оман жана БАЭ мамлекеттеринин жарандары оозун бекитпей калышты», — деп айтылат кабарда.
Учурда бул өлкөлөрдө орозо шейшемби же шаршемби күнү башталышы мүмкүн.
Ал эми Кыргызстанда Рамазан айынын биринчи күнү 13-апрелге белгиленди (13-апрель күнү ооз бек болот).
