КР Өзгөчө кырдаалдар министрлиги эртең менен саат 06:55ке карата берген маалыматында Аксы районундагы сел сегиз адамды агызып кеткенин билдирген. Алты адамдын сөөгү табылып, беш жаштагы бала жана үч жашар кыз дайынсыз бойдон.
Бүгүн жерине издөө иштерин жүргүзүү үчүн ӨКМдин 26 куткаруучусу, Аксы райондук милициянын 7 кызматкери жана жергиликтүү тургундардан дагы кошумча 40 адам тартылган.
Эске салсак, 12-июль күнү кечке маал Аксы районунун Жаңы-Жол айылында эки турак жайдын короосун жана жайлоого баруучу ички чарбалык жолду сел каптап, көпүрөлөрдү агызган. Белгилүү болгондой, сел беш жаштагы баланы Таштак айылынан, үч жашар кызды Жолборсту айылынан агызып кеткени маалым болду.
