БШК 2024-жылдын 17-ноябрына дайындалган жергиликтүү кеңештердин депутаттарын шайлоого шайлоочулардын жалпы тизмеси даярдалып бүткөнүн жарыялады.
Шайлоочулардын тизмеси Калктын бирдиктүү мамлекеттик реестринде (КБМР) камтылган маалыматтарынын негизинде КР Санариптик өнүктүрүү министрлиги тарабынан түзүлүп (СӨМ), Борбордук шайлоо комиссиясы тарабынан шайлоочулардын мамлекеттик “Тизме» порталында жайгаштырылган — https://tizme.gov.kg/.
Тизмедеги шайлоочулардын саны 4 135 039, анын ичинен 2 000 528 эркектер жана 2 134 511 аялдар экени айтылды. Эске сала кетсек, буга чейинки шайлоого катышкан шайлоочулардын жалпы саны 3 млн. 700 миң эле.