Кыргызгидрометтин маалыматына ылайык, 22-23-октябрь күндөрү аба-ырайы кескин өзгөрүп, өлкө аймагында мезгил-мезгили менен жаан жаап, карга айланышы күтүлөт.
22-октябрда Чүй, Талас, Ысык-Көл, Нарын облустарынын дыйканчылык аймактарында жаан карга айланат, тоо этектеринде жана тоолуу райондордо кар жаайт. Тоолуу райондордо жолдор тайгак болуп, кар күрткүсү күтүлөт. Айрым жерлерде батыштан соккон шамалдын ылдамдыгы секундасына 15-20 метрге чейин жетет.
22-23-24-октябрда республиканын аймагында түнкүсүн абанын температурасы кескин төмөндөйт.
Чүй өрөөнүндө түнкүсүн -3…+2°, күндүз 1…6° жылуу,
Талас өрөөнүндө түнкүсүн -1…-6° суук, күндүз 0…5° жылуу,
Ош, Жалал-Абад, Баткен облустарынын өрөөндөрүндө түнкүсүн -2…+3°, күндүз 4…9° жылуу,
Ысык-Көл облусунда түнкүсүн -1…-6° суук, күндүз 1…6° жылуу,
Нарын облусунун дыйканчылык аймактарында түнкүсүн -4…-9° суук, күндүз 0…5° жылуу, тоолуу райондордо түнкүсүн -12…-17°, күндүз -4…-9° суук болушу күтүлөт.
Мындай туруксуз аба-ырайы айыл чарба иштерин, автоунаа, энергетика жана коммуналдык кызматтардын ишин жана жайыттарда малды кармоону кыйындатат.

