Швейцариянын Блаттен (Blatten) айылында мөңгү көчүп, айылдын дээрлик 90%ын басып калды. Бул тууралуу abcNEWS маалымат агенттиги кабарлап, аталган кырсык дүйнөлүк климаттык өзгөрүүлөрдүн таасиринен улам чыккан көйгөйлөрдү кайрадан көтөргөндүгүн белгиледи.
Блаттен айылынын үстүндөгү Бирч (Birch) мөңгүсүнүн чоң бөлүгү кулап, 3 миллион кубометрден ашык муз, таш жана топурак массасын түшүргөн. Кырсык болгон учурда айылдын 300 тургуну алдын ала эвакуацияланган. Бирок, учурда 64 жаштагы 1 адам дайынсыз болууда. Аны издөө иштери кооптуу болгондугуна байланыштуу убактылуу токтотулду.
Белгилей кетсек, Швейцариядагы мөңгүлөр 2000-жылдан бери 40%га чейин азайган.
