IMD бизнес мектебинин «Smart City Index – 2025» рейтинги жарыяланып, Швейцариянын Цюрих шаары дүйнө жүзү боюнча «эң акылдуу шаар» наамын алды. Дүйнөлүк рейтингде биринчи орунду ээлеген Цюрих калаасы алтынчы жолу катары менен бул наамга ээ болуп келүүдө.
Ал эми Азиядагы эң жогорку көрсөткүчтү Сингапур алып, «эң акылдуу шаарлардын» ичинен 9-орунду ээледи. Бул шаарда транспорт системасы, коопсуздук, жашыл аймактар жана билим берүү тармагы кыйла өнүккөн.
Рейтингдин алдыңкы ондугуна Осло, Женева, Дубай жана Лондон шаарлары да кирген.
Норвегиянын борбор шаары Осло
Швейцариядагы Женева шаары
Лондон
Дубай
Маалымат үчүн: IMD – көз карандысыз изилдөө уюмдарынын бири. Бул уюм жыл сайын дүйнөдөгү «эң акылдуу шаарларды» аныктап, шаардагы технология, инфратүзүм анын тургундарынын жашоо сапатын жакшыртуу үчүн кандайча колдонулуп жаткандыгына баа берет.
