"Эркин-Тоо"

СИЗДИН МЕКТЕПТЕ ӨРТ ЧЫКСА ЭМНЕ КЫЛЫШЫҢЫЗ КЕРЕК?

Бала бакча жана мектептерде жыл сайын балдардын саны көбөйүүдө. Мындай учурда кокус өрт кырсыгы башталса, балдарды сыртка алып чыгуу көп убакытты талап кылаары айтпаса да белгилүү. Ошондуктан, ар бир мугалим же тарбиячы эвакуациялоо тартибин билуүүгө тийиш жана кабыл алынган чараларды ырааты менен колдонуу керек.

Биринчиден – өрттөнүп жаткан бөлмөнүн эшигин жабыңыз. Эгер сиз өрттү терезенин сыртынан көрсөңүз, анда ал бөлмөгө кирүүгө аракет кылбаңыз. Ачык эшик түтүндү эле чыгарбастан, ошондой эле эвакуация кылууга да тоскоолдук кылат, күтүлбөгөн жерден абанын кириши өрттүн чоң ылдамдыкта өрчүшүнө алып келет. Тезинен айгай көтөрүп, катуу кыйкырып, өрт жөнүндө билдирүү керек. Өрт жөнүндө жакын турган персоналдардын мүчөсүнө билдириңиз, ал болсо адамдарды тез аранын ичинде мектептин имаратынан эвакуация кылуу чараларын көрөт. Ар бир адам милдеттүү түрдө мурдатан макулдашылган чогулуу пунктуна келиши керек, ал жерде бардыгы мектептен эвакуацияланганын билүү үчүн атынан айтып текшерүү жүргүзүлүүсү зарыл. Өрт чыгары менен тез арада «101» же “112” телефонуна чалып, өрткө каршы-куткаруу кызматын чакыруу керек.

Өрткө каршы-куткаруу кызматы келген маалга биринчи кезекте төмөнкүлөрдү билүү зарыл:

– Өрт кайсы бөлмөдө болуп жатат.

– Имараттан баардыгы эвакуацияланганбы.

Өрт учурунда мектептен эвакуациялоонун тартиби:

– Айгай.

– Өрткө каршы-куткаруу кызматын чакыруу.

– Эвакуациялоо.

– Чогулуу.

– Атынан атап текшерүү.

Айгай

– Ар бир адам (окуучубу же персоналдык мүчөсүбү) өрт чыкканын байкагандан кийин, олку солку болбостон өрт жөнүндө айгай көтөрүүсү зарыл.

Өрткө каршы – куткаруу кызматын чакыруу

– Ар канда йөрттүн чыгышы тууралуу, жада калса кичине өрт болсо да же өрт жөнүндө шек туулса өрткө каршы-куткаруу кызматына ыкчам менен кабарлоо керек.

Эвакуациялоо

– Окуучулар айгайды уккандан кийин өздөрүнүн парталарынан туруп, класка жооптуу мугалимдин көрсөтүүсү менен бирбирден класты таштап, чогулуу пунктуна чогулуу керек. Окучулар ирети менен, бирдей кадамдап басуулары  керек. Класстык бөлмөнүн жана эвакуациянын жолундагы эвакуация учурунда колдонулбай турган башка бардык эшиктерди жабу зарыл.

Чогулуу

– Чогулуу жайы мурдатан макулдашылышы керек.

– Чогулуу жайына келип, ар бир класс же адамдардын тобу бөлүнүп аныкталган жайларды ээлеп, тарап кетпей, ошол жерде болуп турушу керек.

Атын айтып чакыруу

– Окуучулар чогулуу жайына келээри менен тезинен атынын атап чакырууну жүргүзүү керек.

№1-эреже

Жолдогу баардык эшиктерди жапкыла, муну менен сиз өрттн жолун торойсуз. (жабык эшик өрттү 15 мүнөткө кармайт)

№2-эреже

– Өрттөн качып баратып, өрт жөнүндө бардыгына эскертиңиз (эч нерсе издебеңиз, өрттөн тезирээк кетиңиз)

№3-эреже

– Мугалимге өрт жөнүндө кабарлаңыз.

№4-эреже

– Эвакуациялаңыз.

№5-эреже

– Телефондон 101 номерин терип, өрткө каршы-куткаруу кызматына мектептин дареги жана өзүңүз жөнүндө (аты жөнү, кайсы класстын окуучусусуз) так маалыматты айтыңыз.

№6-эреже

Кайра артка кирбеңиз – сиз жолдо күйүп калышыңыз, же истүү газга ууланып калышыңыз мүмкүн.

 

Биринчи май райондук ӨӨ жана ААБнүн башчысы майор                                                                        Джексембиев Б.М.             

Please wait while flipbook is loading. For more related info, FAQs and issues please refer to DearFlip WordPress Flipbook Plugin Help documentation.

Пример HTML-страницы
error: Content is protected !!