Россиянын Sputnik V вакцинасы менен коронавируска каршы эмдөөдөн өткөн Аргентинанын президенти Альберто Фернандестен COVID-19 аныкталып калды. Бул тууралуу ал Twitter социалдык тармагындагы баракчасына жазды.
Фернандестин айтымында, анын дене табы 37,3 градуска чейин көтөрүлүп, башы ооруп жатат. Ал эми антигенге тапшырган экспресс-тесттен COVID-19 тастыкталган. Buenos Aires Times басылмасынын билдирүүсүндө, Фернандес Sputnik V вакцинасынын алгачкы дозасын 21-январда алган. «Ал экинчи дозасын алганы да белгилүү, бирок расмий жактар азырынча билдирүү тарата элек «, – деп жазат аталган басылма.
Учурда Фернандес коронавируска тапшырган ПЧР-тесттин жыйынтыгын күтүп, жеке дарыгеринин көзөмөлүндө турат.
Аргентинанын президентинин абалы анын туулган күнүндө начарлай баштаган. Бирок, ал “азырынча менин абалым канагаттандыралык”, — деп билдирди.
Sputnik V вакцинасын иштеп чыккан Орусиянын Гамалеи институту, Аргентинанын президентинин Twitter баракчасына, мындай жаңылыктарга тынчсызданганын билдирген комментарий жазды.
Россиялыктар Sputnik V вакцинасы инфекцияга каршы 91,6%га, COVID-19 оор учурларына каршы 100%га натыйжалуу деп ишендиришет.
Sputnik V вакцинасы менен эмделген Аргентинанын президентинен COVID-19 аныкталып калды
