Түркиянын Аксарай шаарындагы Ихлара өрөөнүнөн учуп чыккан аба шарлары катуу шамалдан улам туура эмес конуп, шарды башкарган адам каза болду. Бул тууралуу TRT Haber агенттиги билдирди.
Шардагы 31 турист ар кандай жаракаттарды алып, ооруканага жеткирилди. Учурда алардын абалы жакшы экендиги айтылууда.
Белгилей кетсек, буга чейин да ушуга окшогон окуя катталган. Аба шары Гюзельюрт районуна караштуу Белисырма айылынын жанында конууга аргасыз болуп, 12 индиялык турист жаракат алган.
