Бүгүн, 24-январда төкмө акын Болот Назаров тосмо арыздын негизинде сот залынан бошотулду. Маалыматты Чүй облустук сотунан тастыкташты.
Маалым болгондой, Назаровго козголгон кылмыш иши бүгүн, 24-январда Москва райондук сотунда каралган.
«Жабырлануучулардан тосмо арыз түшүп, анын негизинде Назаровго карата козголгон кылмыш иши кыскарып, ал сот залынан бошотулду«, — деп билдиришти соттон.
Белгилей кетсек, Болот Назаровго Кылмыш-жаза кодексинин «тоноо» беренесинин негизинде кылмыш иши козголгон.
Ал 2022-жылдын 9-ноябрында Чүй облустук ички иштер башкармалыгы тарабынан тоноочулукка шектелип кармалган.