"Эркин-Тоо"

Таштандыдан табылган ымыркайдын энеси баласынан баш тартпай турганын билдирди

Бишкекте жаңы төрөлгөн ымыркайын таштанды челекке таштап кеткен деп шек саналып жаткан 21 жаштагы жаран баласынан баш тарпай турганын айтты. Бул тууралуу Акыйкатчы институтунун басма сөз кызматы билдирди.

Мекеме ымыркайдын энеси баланы өзү эч кимдин көмөгү жок эле үйдөн төрөгөнүн, кош бойлуу экенин ата-энесинен жашырып жүргөнүн жана төрөгөндөн кийин коркуп баласын таштанды челекке таштап салганын айткан.

“Мен жөн гана коркуп кеттим. Өз баламдан баш тартпайм. Мен аны эч кимге бербейм. Мени ата-энем кечирди жана алар баламды багып алабыз деп жатышат”, — деген.

Эске салсак, 8-ноябрда Бишкектин көчөлөрүнүн биринде желим баштыкка салынган ымыркай таштанды челектен табылганы жөнүндө милицияга кабар түшкөн. Факт боюнча кылмыш иши козголуп, тергөө башталган.

11-ноябрда баланын энеси кармалып, Октябрь райондук милициясынын убактылуу кармоочу жайына камалган. Ал Кылмыш-жаза кодексинин “Эненин жаңы төрөлгөн баласын өлтүрүүсү” беренеси менен шек саналып жатат. 14-ноябрда Бишкектин Октябрь райондук соту шектүүнү ден соолугуна байланыштуу сыртка чыкпоо жөнүндө тил кат менен камактан бошоткон.

Учурда ымыркай Бишкектеги №1 төрөт үйүндө дарыгерлердин көзөмөлүндө жатат.

Пример HTML-страницы
error: Content is protected !!