Ушул жылдын биринчи кварталында Терек-Сай кениндеги алтын чыгаруучу фабрика ишке берилет. Бул тууралуу “Эти Бакыр Терексай” ишканасынын жетекчиси Вели Гёкдере Министрлер Кабинетинин төрагасы Акылбек Жапаровго жолуккан учурда билдирди.
Терек-Сай кени Жалал-Абад облусунун Чаткал районундагы Терек-Сай айылында жайгашкан. “Эти Бакыр Терексай” – биргелешкен ишкана, капиталынын 25% “Кыргызалтын” компаниясына, 75% түркиялык “Эти Бакыр Терексай” ишканасына тиешелүү. Анда 800дөн ашуун кыргызстандык иштейт.