УКМК Бишкектеги жаңы оңдолгон жолдордун сапатын текшерүүдө

УКМК Бишкек шаарындагы жолдорду оңдоо иштеринин сапаты боюнча текшерүүлөрдү жүргүзүп жатканын билдирди.

Соңку убакта социалдык тармактарда шаардын жолдорун оңдоо иштериндеги мүмкүн болгон мүчүлүштүктөр жана кемчиликтер тууралуу маалыматтар кеңири тарады. Аталган маселе боюнча УКМК сапат жана ачыктык маанилүү экенин, анын өзгөчө 2024-2025-жылдары шаардагы жолдорду оңдоого бөлүнгөн миллиардынган каражаттардын көлөмү менен байланыштуу экенин белгиледи.

2024-жылы Бишкектин негизги жолдорун оңдоого 1,38 миллиард сом бөлүнүп, 2025-жылы бюджеттен дагы 5 миллиард сомго жакын каражат каралган.

УКМК иштин сапаты жана бекитилген долбоордук-сметалык документтерге шайкештиги боюнча комплекстүү экспертизаларды дайындоодо.

Маалыматка ылайык, эгерде текшерүүдө мүчүлүштүктөр, техникалык талаптардын бузулушу, же иштин көлөмү менен наркынын ашыкча бааланганы аныкталса, мыйзам чегинде тиешелүү жоопкерчиликтер каралат.