13-сентябрда «Унаа» мамлекеттик мекемесинин ишинде мүчүлүштүктөр жаралды.
Мекемеден кабарлашкандай, бир катар мамлекеттик органдардын автоматташтырылган маалымат системасында бузулуулар пайда болгон. Буга байланыштуу автотранспорт каражаттарын каттоо бөлүмдөрүндө иш процесси үзгүлтүккө учуроодо.
Учурда башка мамлекеттик органдар менен биргеликте бузулуулардын себептерин аныктап, оңдоо иштери жүрүүдө.
“Унаа” мекемеси жарандардан келтирилген ыңгайсыздыктар үчүн кечирим сурайт.