Кадамжай районунда (Ош-Баткен-Раззаков жолунун 161-чакырымы) жол кырсыгы катталып, 2 адам каза болду. Бул тууралуу республикалык жол кыймылынын коопсуздугун камсыздоо башкы башкармалыгынан билдиришти.
Билдирүүгө ылайык, кырсык кечээ, 19-январда саат 11:30 чамасында болгон. Анда Мерседес-Бенц үлгүсүндөгү унаанын айдоочусу катуу ылдамдыкта бара жатып рулду башкара албай, оор жол кырсыгына учураган.
Анын кесепетинен айдоочу жеринде көз жумуп, жанындагы жүргүнчүсү оор абалда ооруканадан жан берген.