Үстүбүздөгү жылдын биринчи жарым жылдыгында Японияга келген чет элдик туристтердин саны рекорддук көрсөткүчкө жетти. Бул тууралуу Казинформ агенттиги Япониянын Kyodo News агенттигине шилтеме берип маалымдады.
Расмий маалыматка ылайык, январь-июнь айларында өлкөгө 21,5 миллион турист келген. Бул былтыркы жылдагы ушул мезгилде катталган 17,78 миллион туристтен дагы жана мурдагы эң жогорку көрсөткүчтөрдөн дагы жогору болуп саналат.
Июнь айында эле 3 миллион 380 миң чет элдик турист катталган. Бул өткөн жылга салыштырмалуу 7,6% өсүштү көрсөтөт.
Туристтердин басымдуу бөлүгү Түштүк Корея жана Кытайдан барган.
