Бүгүн Ысык-Көл облусунда Улуттук коопсуздук мамлекеттик комитетинин (УКМК) Төрагасынын кубогу үчүн спорттун оюн түрлөрү боюнча жыл сайын өткөрүлүүчү республикалык спартакиаданын жабылыш аземи өттү.
Иш-чарага УКМКнын бардык аймактык башкармалыктарынын кызматкерлери, 9-кызмат, “Альфа” атайын кызматынын өкүлдөрү, Чек ара кызматынын аскерлери жана ардагерлер катышты.
Спартакиада төмөнкү спорт түрлөрү боюнча өткөрүлдү:
-
Командалык түрлөр (эркектер үчүн): футбол, волейбол, баскетбол
-
Жеке түрлөр: шахмат
-
Аялдар үчүн: 3000 метрге эстафеталык чуркоо, дартс, 3×3 баскетбол
Жабылыш аземинде Кыргыз Республикасынын Министрлер Кабинетинин Төрагасынын орун басары – УКМКнын Төрагасы, генерал-полковник Камчыбек Ташиев расмий сөз сүйлөп, бардык катышуучуларга ыраазычылык билдирди.
— Спорт кызматкерлердин күжүрмөн даярдыгын, тартибин жана командалык духун чыңдоодо маанилүү ролду ойнойт. Бул сыяктуу иш-чаралар ыкчам-кызматтык ишмердүүлүктүн жогорку деңгээлин камсыз кылууга өбөлгө болот, — деди Ташиев.
Спартакиаданын негизги максаты — кызматкерлер арасында сергек жашоо образын жайылтуу, мыкты спортчуларды аныктоо жана күч түзүмдөрүндө командалык ынтымакты бекемдөө.
Жыйынтыктын жыйынтыгында жеңүүчү командаларга Төраганын кубогу жана баалуу белектер тапшырылды.
