Жогорку атмосфералык туруксуздукка байланыштуу 31-декабрда аба ырайы туруксуз бойдон калат. Бул тууралуу Кыргызгидрометтин метеорология бөлүмүнүн башчысы Нуризат Дооранова билдирди.
Маалыматка ылайык, 31-декабрга карата Чүй, Талас, Жалал-Абад, Баткен, Нарын облустарынын айрым жерлеринде жаан-чачын катуу жаашы күтүлөт. Ош жана Ысык-Көл облустарында жаан-чачын күтүлбөйт.
Абанын температурасы:
— Чүй өрөөнүндө түнкүсүн -1…-6, күндүз +1…+6;
— Талас өрөөнүндө түнкүсүн -3…-8, күндүз +3…+8;
— Ош, Жалал-Абад, Баткен облустарынын өрөөндөрүндө түнкүсүн 0…-5, күндүз +6…+11;
— Ысык-Көл ойдуңунда түнкүсүн -2…-7, күндүз +0…+5;
-Нарын облусунун дыйканчылык аймактарында түнкүсүн -16…-21, күндүз -2…-7ге чейин.
Бишкек шаарында 31-декабрда түнкүсүн ала булут каптап турат, бир аз жаан жаашы мүмкүн, күндүз жаан-чачын күтүлбөйт. Абанын температурасы түнкүсүн -2…-4, күндүз +4…+6 жылуу болот.