The Japan Times маалымат агенттиги билдиргендей, Жапониянын Токара аралдарында акыркы эки жуманын ичинде 900дөн ашык жер титирөө катталды.
Эң күчтүү жер титирөө аталган аралдын Тосима айылында 2-июль күнү катталып, күчү 5,5 баллга жетти.
Токара аралдарындагы жердин силкинүүсү 21-июнь күнү башталып, ошол убактан бери өтө көп ирет кайталангандыктан, анда жашаган эл уктагандан коркуп калышкандыгын айтышууда. Бул аралдагы жер титирөөлөрдүн саны акыркы эки жылда өсүп, 2021-жылы 6,1 баллдык зилзала болгон.
Бүгүнкү күндө анын аймагында 668 адам жашайт.