Кыргызстандык спортчу Жоламан Шаршенбеков дүйнөлүк мыкты күрөшчүлөр рейтингинде биринчиликти сактап калды. Бул тууралуу Дүйнөлүк күрөш уюмунун жаңыланган рейтингинде белгилүү болду.
Белгилей кетсек, рейтинг 1-4-июнда Бишкек шаарында өткөн рейтингдик турнирден кийин жаңыланган. Аталган турнирге Жоламан Шаршенбеков катышкан жок, бирок тизмедеги ордун сактап кала алган.
Эске салсак, Жоламан Шаршенбеков грек-рим күрөшү боюнча 60 килограммга чейинки салмак ченинде килем үстүнө чыгат. Буга чейин Бишкекте өткөн рейтингдик турнирде коло байгеге ээ болгон Эрназар Акматалиев дагы жаңыланган рейтингде биринчи орунда жайгашкан болчу.
