Министрлер Кабинетинин Төрагасы Адылбек Касымалиев 4–5-июнь күндөрү Тажикстандын борбору Душанбе шаарына иш сапары менен барат.
Сапардын алкагында ал Көз карандысыз Мамлекеттер Шериктештигинин (КМШ) Өкмөт башчыларынын кеңешинин жыйынына катышат. Жыйында соода-экономикалык, илимий-техникалык жана маданий-гуманитардык багыттар боюнча маселелер талкууланып, тиешелүү чечимдер кабыл алынары күтүлүүдө.
Ошондой эле бир катар эки тараптуу жолугушуулар өтүп, расмий документтерге кол коюлушу пландалууда.
