Жогорку Кеңештин Укук тартиби, кылмыштуулук менен күрөшүү жана коррупцияга каршы аракеттенүү боюнча комитети Министрлер кабинети тарабынан демилгеленген “КР Бузуулар жөнүндө кодексине өзгөртүүлөрдү киргизүү жөнүндө” мыйзам долбоорунун концепциясын жактырды. Мыйзам долбоору жол кыймылынын айрым эрежелерин бузгандыгы үчүн айып пулдун өлөмүн азайтуу максатында иштелип чыккан. Ага ылайык, бир катар беренелер боюнча айып пулдарды төмөндөтүү сунушталууда. Аталган мыйзам долбоору боюнча Ички Иштер Министрлигине караштуу Жол кыймылынын коопсуздугун камсыздоо башкы башкармалыгынын басма сөз кызматынын жетекчиси — Тилек Исаев түшүндүрмө берди.
Алсак, айып пулду кыскартуу: белгиленген ылдамдыктан 10 км/сааттан ашык, бирок 20 км/сааттан ашпаган транспорт каражаттарынын айдоочуларына;
— жол белгилеринде же жүрүү бөлүгүнүн белгилеринде көрсөтүлгөн, токтоочу сызыктын алдына токтоп турган жол кыймылынын эрежелерин сактабагандык, светофорго тыюу салган же жол кыймылынын көзөмөлдөөчүнүн жаӊсоосуна тыюу салган;
— жол белгилеринин талаптарын сактабаганда, жүрүүчү бөлүктү белгилөө боюнча талаптарды аткарбаганда;
— токтотуу же токтотуу эрежелерин бузуу;
— келе жаткан тилкеге чыкпай маневр жасоонун эрежелерин бузуу.
«Учурда бул жол эрежелерин бузгандыгы үчүн айдоочуларга 1000 сом өлчөмүндөгү айып пул каралган. Эгерде айып пул салуу жөнүндө буйрук түшкөн күндөн тартып айып пул 15 күндүн ичинде төлөнсө, анын өлчөмү 70 пайызга кыскарат. Башкача айтканда, айып пулдун өлчөмү 1000 сомдун ордуна 300 сомду түзөт», — деп белгиледи Исаев.
Белгилей кетсек, учурда айдоочулар айып пулду 15 күндүн ичинде төлөсө, анын суммасы 50 пайызга кыскартылат.
Эскерте кетсек, «Коопсуз Шаар» долбоору Бишкекте 2019-жылы 12-февралында ишке кирип, март айынан тартып жол эрежесин бузгандарга айып салына баштаган.