Бүгүн, 8-августта, Kp индекси 6га жетип, орточо күчтөгү (G2 деңгээл) геомагниттик бороон болушу мүмкүн. Бул деңгээл акыркы жолу 13-июнда катталган.
Адистердин айтымында, мындай абал электр, байланыш жана навигация системаларына таасирин тийгизиши мүмкүн. Ошондой эле жаныбарлардын миграциясында өзгөрүүлөр байкалышы ыктымал.
Күндүн активдүүлүгүнүн жогорулашы түндүк жаркыроосу көрүнгөн аймактарды кеңейтиши мүмкүн. Ал эми магниттик бороондордун адамдын саламаттыгына тийгизген таасири боюнча илимде так жыйынтык чыга элек.
