Бүгүн, 1-мартта Жогорку Кеңештин жыйынында депутат Алишер Козуев азыркы тапта Кытайга кирүү үчүн миңдеген жарандар электрондук кезекте туруганын айтты.
«Алды 1 жарым айдан бери кезек күткөндөр бар. Акыркы күндөрү электрондук кезекке дагы кире албай жатышат. Ортодо 3-4 кишинин кызыкчылыгынан улам виза маселеси өтө чоң коррупцияга айланды. Бир жарым айдан бери кезеги жетпеген жарандарга, эгер 1000 доллар берсе бир аптанын ичинде, 1500 доллар берсе 3 күндүн ичинде даярдап берип жатышат. Ал жерде карапайым айдоочулар кыйналып жатышат», — деди Козуев.
Ошондой эле ал президенттин парламенттеги өкүлү Алмасбек Абытовго кайрылып, маселени көзөмөлгө алууну тапшырды.