2022-жыл сугат жагынан алганда дыйкандар үчүн жеңил болбойт. Бул тууралуу айыл чарба министри Аскарбек Жаныбеков билдирди. Анын айтымында 2022-жылы дагы жаан-чачын аз болору айтылып, сугат жагынан бир топ түйшүктөр болору күтүлүүдө. Ошондуктан министрлик азыртадан ирригация системасын жакшыртууга аракет кылып Министрлер Кабинети тарабынан бөлүнгөн 1 миллиард сомго 661 каналды ремонттогон. 114 чакырымга созулган каналдардын түбүн бетондоп, 883 чакырымына механикалык тазалоо иштерин жүргүздү. Аскарбек Жаныбеков ирригациялык системалар көп жылдардан бери оңдолуп-түзөлбөгөндүктөн буга чейин суу жоготуулар 50 пайызга чейин жетип турганын билдирди.
Please wait while flipbook is loading. For more related info, FAQs and issues please refer to DearFlip WordPress Flipbook Plugin Help documentation.