Индонезиянын президенти Джоко Видодо жоголгон суу алдында жүрүүчү KRI Nanggala-402 кемени Бали деңизине чөгүп кетти деп жарыялады жана экипаждын үй-бүлө мүчөлөрүнө көңүл айтты.
Кеменин бортунда 53 адам болгон.Индонезиялык KRI Nanggala-402 кемеси 21-апрелде аскердик машыгуулар маалында байланышка чыкпай калган.
Ишемби, 24-апрелде Индонезиянын Аскер-деңиз күчтөрүнүн штабынын начальниги кеме 850 метр тереңдикте табылгандыгын кабарлады. Кеме үч бөлүккө бөлүнүп кыйроого учураган.
1981-жылы Германияда жасалган кеме 500 метр тереңдикке чейин гана суу алдына түшүүгө эсептелген деп билдирди Рейтер агенттиги.
