Маалыматка караганда, милицияга арыз менен Кемин районунун Кызыл-Октябрь айылынын тургуну Л.И. кайрылып, 23-июлга караган түнү короосунан белгисиз адамдар бир баш коюн уурдап кетишкенин билдирген.
Аталган факт каттоого алынып, Кылмыш-жаза кодексинин 205-беренеси (“Уурулук”) боюнча кылмыш иши козголгон.
Кылмыш иши боюнча Бишкек шаарынын аймагында ыкчам-иликтөө жана тергөө иштери жүргүзүлүп, бул кылмышка шектүү делип Кемин районунун 1974-жылы туулган К.В. аттуу тургуну кармалып, РИИБдин тергөө кызматына алынып келинген.
Уурдалган мал ээсине кайтарылып берилип, тергөө иштери уланып жатат.