Айыл чарба жана кайра иштетүү өнөр жайынын негизги тармактарынын өкүлдөрү, дыйкандар өлкөдөгү агроөнөр жай комплексинде реформалар сөз бойдон калып жатканын айтып чыгышты.
Алар Президент Садыр Жапаровго кайрылышып, мамлекеттик колдоону жакшыртуу үчүн жер, суу жана кредит маселелерин чечүүнү суранышкан. Ассоциация мүчөлөрү бул боюнча ачык парламенттик угуу өткөрүү керектигин, ага дыйкан-фермерлер да катышуусу зарылдыгын белгилеп жатышат.
Эске салсак, учурда дыйкандарга берилген жеңилдетилген насыялар боюнча азыр так маалыматтар бериле элек. Айыл чарба министрлиги 21-апрелге карата жалпысынан баасы 2,5 миллиардга жакын сомго 5 миңден ашык насыя берилгенин билдирген.