Ниязбеков Казакстандын ИИМ академиясына барды
Кыргызстандын ички иштер министри Улан Ниязбеков Казакстанга болгон жумушчу сапарынын алкагында өлкөнүн Ички иштер министрлигине караштуу Башкаруу академиясына барды.
Сапардын жүрүшүндө министр окуу жайдын билим берүү процесси, материалдык-техникалык базасы жана илимий-практикалык ишмердүүлүгү менен таанышты.
Ошондой эле ички иштер органдарынын кызматкерлерин даярдоо жана алардын кесиптик деңгээлин жогорулатуу үчүн колдонулган заманбап ыкмалар көрсөтүлдү.
Тараптар билим берүү технологияларын колдонуу, окуу-методикалык иштерди өркүндөтүү жана тажрыйба алмашуу маселелерине көңүл бурушту.
Мындай жолугушуулар Кыргызстан менен Казакстандын ички иштер органдарынын ортосундагы кызматташтыкты кеңейтүүгө жана кадрларды даярдоо багытында тажрыйба алмашууга багытталган.
