Окуучулардын кышкы каникулу узартылды, деп билдирди билим берүү жана илим министри Уланбек Мамбетакунов соцтармактардагы баракчасында.
Каникул 15-январда аяктайт, окуучулар 16-январдан тарта мектепке барышат.
Мурдараак эпидкырдаалга жана аномалдуу суукка байланыштуу Саламаттыкты сактоо министрлиги Билим берүү министрлигине каникулду 1 жумага узартууну сунуштаган.
Окуучулардын каникулу 30-декабрда башталган, 11-январда аяктамак.
Синоптиктердин маалыматына караганда, 11-январдан тарта Кыргызстанда аномалдуу суук болушу күтүлүүдө.