Кыргызстандын хоккей боюнча улуттук курамасы дүйнө чемпионатынын 3-дивизионунун А группасынын оюндарынын алкагында Түркмөнстанды 7:5 эсеби менен утту. Буга чейин Кыргызстан курамасы Люксембургду жеңген.
Эки оюнда алты упай топтоп, мелдеш жадыбалында экинчи орунга көтөрөлдү.
Дүйнө чемпионатынын 3-дивизионунун А группасынын үчүнчү тур оюндарында Тайланд Түштүк Африка Республикасынын курамасын 5:1 эсеби менен, Люксембург Мексиканы 5:4 менен утту.
Белгилей кетсек, мелдеш жадыбалында Тайланд курамасы тогуз упайы менен биринчи орунда турат. Экинчиге алты упай топтогон Кыргызстан чыкты. Үчүнчү орунда 5 упайы менен Люксембург жайгашты. Түркмөнстан менен Түштүк Африка Республикасы үчтөн упай топтоп, 4-5-орундарды ээлеп турат. Ал эми Мексика бир упай менен алтынчы орунда.
Эми, 6 өлкөнүн хоккей курамалары катышып жаткан дүйнө чемпионатынын 3-дивизионунун А группасынын беттештери 16-мартка чейин өтөт.