Мэрия: Чүй кең көчөсүнүн бир бөлүгү жабылат

Чүй проспектисинин Сүйүнбаев көчөсү менен кесилишкен жери 2-10-апрель аралыгында автоунаалар үчүн жарым-жартылай жабылат. Бул тууралуу мэриядан билдиришти.

Бул күндөрү «АкНазЭлБилдинг» аттуу подрядчы компания жылуулук камерасын куруу менен түтүктөрдү жаткырат.

Мэрия түзүлгөн ыңгайсыздык үчүн кечирим сурап, айдоочуларды альтернативдүү жолдор менен жүрүүгө чакырды.