Орточо айлык 36,5 миң сомду түздү

Маяна боюнча соңку эсептөөлөр менен Улуттук статистикалык комитеттин төрагасы Бактыбек Кудайбергенов бөлүштү. Анын айтымында, 2023-жылдын ушул мезгилине салыштырмалуу эмгек акы 12 %га өскөн. Эң көп өсүшү дүң жана чекене соода, автомобиль жана мотоцикл оңдоо, курулуш, кыймылсыз мүлк менен операциялар, финансылык ортомчулук жана камсыздандыруу, кесиптик, илимий-техникалык ишмердүүлүк, ошондой эле тоо-кен казып алуу тармагында катталган.