Улан Маматканов Бишкекте өткөн «Jashyl Dem Fest – KUZ 2026» эко-фестивалына катышты

Бишкек шаарынын Карагач токоюнда «Jashyl Dem Fest – KUZ 2026 – NATIONAL GREEN DAY» экологиялык фестивалы болуп өттү, анын алкагында бак-дарак отургузуу акциясы уюштурулду. Иш-чарага Кыргыз Республикасынын Министрлер Кабинетинин Төрагасынын орун басары Улан Маматканов катышты.

Экологиялык акцияга ошондой эле мамлекеттик органдардын, Бишкек шаарынын мэриясынын өкүлдөрү, ыктыярчылар жана башка кызыкдар тараптар катышты.

Иш-чарага ден соолугунун мүмкүнчүлүгү чектелген адамдардын катышуусуна өзгөчө көңүл бурулду, бул айлана-чөйрөнү коргоо боюнча демилгелерге бардык жарандарды тартуу үчүн бирдей мүмкүнчүлүктөрдү түзүүнүн маанилүүлүгүн баса белгиледи.

Фестивалдын уюштуруучулары болуп «Эко Дем» эко-долбоору Бишкек шаарынын мэриясы менен биргеликте чыкты.

Фестиваль коомчулуктун көңүлүн айлана-чөйрөнү коргоо, шаар аймактарын жашылдандыруу жана жаратылышка аяр мамиле жасоону калыптандыруу маселелерине бурууга багытталган.