Жер шарында бешинчи океан барбы?

National Geographic коому Антарктиданын айланасындагы суулар мындан ары Түштүк океан – планетанын бешинчи океаны деп аталарын жарыялады.

“Түштүк океандын бар экендигин окумуштуулар эбак эле тааныган, бирок эл аралык деңгээлде келишим болбогондуктан, бул факт расмий бекитилген эмес”, — деди Улуттук географиялык коомунун географы Алекс Тейт. Эске салсак, National Geographic – 130 жыл мурда ачылыштарды изилдөө максатында уюшулган коммерциялык эмес уюм болуп саналат.