Аба ырайынын күтүүсүз өзгөрүүсү автоунаа, энергетика жана коммуналдык кызматтардын иши менен жайыттарда мал кармоону кыйындатат. Үстүбүздөгү жылдын 27-28-29-май күндөрү мезгил-мезгили менен жаан жаап, күн күркүрөп, бийик тоолуу райондордо кар жаашы күтүлөт. Бул тууралуу Кыргызгидромет кабарлап, шашылыш билдирүү таратты. Маалыматта айрым жерлерде жаан-чачын катуу болуп, мөндүр жаашы мүмкүн экени айтылат. «Абанын температурасы төмөндөйт, батыштан соккон шамалдын ылдамдыгы секундасына 4-9 метрден айрым жерлерде 15-20 метрге чейин жетиши ыктымал», — деп айтылат билдирүүдө. Мындай аба ырайы автоунаа, энергетика жана коммуналдык кызматтардын иши менен жайыттарда мал кармоону кыйындатат.
Аба ырайы. Кыргызгидромет шашылыш билдирүү таратты.
