Ашуулардагы абал

Транспорт жана коммуникациялар министрлиги билдиргендей, 12-мартка карата өлкө аймагындагы бардык авто жолдор ачык болуп, унаалар үчүн эч кандай чектөөлөр киргизилген жок.

Маалыматка ылайык, Төө-Ашуу ашуусу, Ала-Бел ашуусу, Көк-Бел ашуусу, Талдык ашуусу, Өтмөк ашуусу жана Боом капчыгайы сыяктуу жол тилкелеринде унаалар тоскоолдуксуз өтүүдө. Министрликке караштуу жол тейлөө ишканаларынын кызматкерлери унаа жолдордо кар тазалоо, кар күрткүлөрүн тазалоо иштерин жүргүзүшүүдө.