Атабек Азисбеков карьерасын жыйынтыктады

Грек-рим күрөшү боюнча Кыргызстандын курама командасынын мүчөсү Атабек Азисбеков карьерасын жыйынтыктады. 8-январда 2025-жылкы кыргыз күрөшү боюнча чемпионаттын ачылыш аземинде 29 жаштагы спортчуну салтанаттуу түрдө сыйлоо аземи болду. Атабек Азисбеков эки жолу дүйнөлүк чемпионатта 5-орунга ээ болгон, ошондой эле Токиодо өткөн Олимпиада оюндарына катышып, команданын капитаны болгон.