Депутат Эргешов каратэ боюнча дүйнөлүк чемпионатта үчүнчү орунду ээледи
Жогорку Кеңештин депутаты Бекмурза Эргешов Түркиянын Анталия шаарында өткөн Шотокан каратэ-до (SKIF) боюнча XV дүйнөлүк биринчиликте коло медалга ээ болду.
Мелдеш 9-15-ноябрь күндөрү өтүп, ага 47 өлкөдөн 1140 спортчу катышты. Алар жеке ката, кумитэ, командалык ката жана командалык кумитэ дисциплиналары боюнча күч сынашты.
Кыргызстандын атынан 55 спортчу катышып, алардын арасында Бекмурза Эргешов да болду. Ал 40 жаштан жогорку спортчулар арасында якусоку кумитэ дисциплинасы боюнча үчүнчү орунду ээледи.
Жалпысынан кыргызстандык спортчулар дүйнөлүк биринчиликте 2 алтын, 5 күмүш жана 8 коло медаль утуп, жалпы командалык эсепте 11-орунду камсыздашты.