ИИМ Адахан Мадумаровго кол салуу тууралуу маалыматты четке какты

Адахан Мадумаровго кол салуу болгону тууралуу социалдык тармактарда тараган маалымат чындыкка дал келбейт. Бул тууралуу Кыргызстандын Ички иштер министрлиги билдирди.

Министрликтин маалыматына ылайык, тараган маалымат текшерилип, анын жалган экени аныкталган.

ИИМ жарандарды жалган маалыматтарды таратпоого жана коомчулукту адаштырбоого чакырып, маалыматтарды текшерилген расмий булактардан алууну өтүндү.